საკონსტიტუციო სამართალწარმოება საქართველოში

2014-2018 წლებში გიორგი ბურჯანაძე საქმიანობდა ფონდ ღია საზოგადოება საქართველოში, ჯერ ადამიანის უფლებათა პროგრამის კოორდინატორად და შემდგომი 2 წლის განმავლობაში იმავე პროგრამის მენეჯერის პოზიციას იკავებდა.

სხვადასხვა დროს გიორგი ბურჯანაძე იყო ევროსაბჭოს, OSCE/ODIHR, OHCHR-ის, GIZ-ის, UNDP-ის და UN Women-ის სამართლებრივი ექსპერტი.

გიორგი ბურჯანაძის ავტორობით მომზადებულია რამდენიმე მნიშვნელოვანი სტრატეგიული საქმე საქართველოს საკონსტიტუციო სასამართლოში, რომელთაგან აღსანიშნავია ფარული მიყურადების მომწესრიგებელი ნორმების არაკონსტიტუციურად ცნობა და საქართველოს საკონსტიტუციო სასამართლოს ეფექტური ფუნქციონირების შემზღუდველი ნორმების გაუქმება.

მისი ავტორობით მომზადებულია კონსტიტუციური სარჩელები, რომლებიც შეეხება საჯარო სამსახურში დაწესებულ შეზღუდვებს, სისხლის სამართლის პროცესში მოწმეთა დაკითხვის წესისა და არააქციზური საქონლის სავალდებულო მარკირების მოქმედი წესის არაკონსტიტუციურობის მოთხოვნას.

გიორგი ბურჯანაძე არაერთი პუბლიკაციის ავტორია, მათ შორის ერთ-ერთია „ადამიანის უფლებები და საქართველოს საკონსტიტუციო სასამართლოს სამართალწარმოების პრაქტიკა“, რომელიც 2013 წელს გამოიცა.

2012 წლიდან გიორგი ბურჯანაძე თბილისის სახელმწიფო უნივერსიტეტის დოქტორანტია, თემა – „საკონსტიტუციო სასამართლოს გადაწყვეტილების ეფექტები სისხლის სამართლის პროცესში“.