პერსონალურ მონაცემთა დაცვა

2008 წელს იგი ხელმძღვანელობდა ადამიანის უფლებათა და კანონის უზენაესობის პროგრამას და იკავებდა ფონდი ღია საზოგადოება საქართველოს აღმასრულებელი დირექტორის მოადგილის პოზიციას. ამასთან, მას აქვს მდიდარი საექპერტო გამოცდილება, მათ შორის იყო პროექტების „საქართველოს იუსტიციის სამინისტროს 2009-2011 წლების სტრატეგიული გეგმის შეფასება“, „საქართველოს იუსტიციის სამინისტროს 2012-2014 წლების სტრატეგიული გეგმის შეფასება“ და „დემოკრატიის შეფასების პროცესი საქართველოში“ ექსპერტი.

2013 წელს იგი არჩეულ იქნა პერსონალურ მონაცემთა დაცვის ინსპექტორად და დღემდე იკავებს აღნიშნულ თანამდებობას. იგი წარმოადგენს საქართველოს პერსონალური მონაცემების ავტომატური დამუშავებისას ფიზიკური პირების დაცვის შესახებ ევროპის საბჭოს 108-ე კონვენციის საკონსულტაციო კომიტეტის (T-PD) ბიუროში. გარდა აღნიშნულისა, თამარ ქალდანს აქვს პერსონალურ მონაცემთა დაცვის სფეროში ფართო თეორიული და პრაქტიკული ცოდნა; 2014 წლიდან კითხულობს ლექციებს პერსონალური მონაცემების დაცვაზე სხვადასხვა უნივერსიტეტებში. მონაწილეობა აქვს მიღებული 100-ზე მეტ საერთაშორისო კონფერენციაში, სასწავლო პროგრამაში, ტრენინგსა თუ სამუშაო შეხვედრაში იურიდიული დახმარების, საპროცესო უფლებების, ინფორმაციის თავისუფლების, ანტიკორუფციული ღონისძიებების, ბიუჯეტის გამჭვირვალობის, პირადი ცხოვრების დაცვისა და პერსონალურ მონაცემთა დაცვის თემებზე. არის არაერთი სამეცნიერო სტატიის ავტორი, სახელმძღვანელოს და გამოცემისა ავტორი.